Boer gewond in plaasaanval

Johannesburg – Drie aanvallers het 'n boer gewond toe hulle by Tarentaal buite Tzaneen in Limpopo op hom geskiet het. Moatse Ngoepe, ‘n polisiewoordvoerder, sê die verdagtes het die hoenderplaas binnegaan en 'n werker vasgebind voor hulle hom aangerand het, het RSG berig. Die radiostasie berig die 46-jarige boer het 'n lawaai gehoor en ondersoek ingestel waarna die verdagtes op hom geskiet het. Die rowers het 'n onbekende bedrag geld uit die huis gesteel. Hulle is steeds op vrye voet.