Eienaar van roomyswinkel erg aangerand

NADAT hy meters ver om ’n gebou gesleep is en vyf keer met ’n mes bygedam en beroof is, het ’n Bloemfonteinse winkeleienaar genadiglik die dood ontkom. Willie Booysen (60), wat ’n onderneming in Wes-Burgerstraat besit waar werknemers met fietse uitgaan en roomys teen ’n kommissie verkoop, was gister ná sy ontbering die afgelope Vrydag weer op die been. Een van die steekwonde in sy nek het na bewering rakelings sy hoofslagaar gemis. Hy is ook drie keer in die skouer en skrams bo sy linkeroog raakgesteek. Booysen is kort ná die aanval na die Mediclinic Bloemfontein gebring. Hy vertel hy het Vrydagaand by ’n syhek vir ’n werknemer gewag om terug te kom sodat hy die winkel kon sluit. “Hy moes 17:00 terug wees. Ek het hom net die vorige dag aangespreek omdat hy so laat kom. Ek wil nie die winkel in dié gebied te laat sluit nie.” Toe die roomysverkoper kort ná 18:00 terugkeer, het hy hom weer aangepreek. Oomblikke later het twee mans hom met pepersproei in die gesig gespuit. Dit is dieselfde botteltjie pepersproei wat hy vir sy werknemer gekoop het om hómself op straat mee te beskerm. Hy het sy werknemer om hulp gesmeek. Die werknemer het glo gesê: “Ek gaan vir húlle help. Vir jou maak ek vrek.” Booysen sê hulle het hom na die agterkant van die gebou gesleep waar niemand hulle kon sien nie. “My knieë, my maag en elmboog is nou nog rou.” Die aanvallers het hom erg aangerand. Hy het na die winkel probeer terughardloop. Daar het sy werknemer hom herhaaldelik met die mes gesteek. “Hulle het my aanhou slaan en beveel om die brandkluis oop te maak. Ek het geweier.” Die rowers het sy selfoon, ’n skootrekenaar, sy juweliersware, beursie met kaarte en kontant, asook sy bakkie se sleutels gebuit. Booysen het dit reggekry om deur die winkel se voordeur te ontsnap en hulp te ontbied. Die rowers het toe gevlug. “Dit is die eerste keer in my lewe dat ek só iets oorkom. Dit gebeur mos altyd met ander mense. Ek gaan net meer op my hoede moet wees. “Ek oorweeg dit om na ’n ander perseel te skuif.” Kapt. Chaka Marope, polisiewoordvoerder, sê die 38-jarige Pule Mosepele, die betrokke werknemer, en nog een van die vermeende aanvallers het reeds in die Bloemfonteinse landdroshof op aanklagte van besigheidsroof en poging tot moord verskyn. Die ander twee vermeende rowers is nog op vrye voet. - Volksblad

Houe by spoedlokval

Middelburg. – ’n Groep verkeersbeamptes het ’n 52-jarige man glo “soos ’n trop wolwe” aangerand terwyl sy vrou en 17-jarige seun toegekyk het. Deon Coetzer, wat vier maande gelede ’n rugoperasie ondergaan het, het vertel die beamptes het eergister ’n spoedlokval reg voor sy huis in John Magagula-straat opgestel. “Ek het by my huis aangekom om dringend dokumente te kry. ’n Motor wat voorgekeer is, het in my oprit gestaan.” Coetzer het aan die motoris en ’n verkeersbeampte gesê om die motor te skuif. Die beampte het glo gesê hy moet wag omdat die grond (die oprit) “aan die regering” behoort. “Ek het uitgeklim en was op pad om my hek met die afstandbeheerder oop te maak toe ’n beampte die bos sleutels uit my hande gegryp het. Ek het hom aan sy trui getrek, maar hy het met my sleutels weggehardloop. Ek het agter hom aangehardloop en hom weer aan die trui probeer pluk. Hy het omgedraai en na my geslaan.” Volgens Coetzer het hy toe omgedraai en weggestap, maar die beampte het hom weer probeer slaan. ’n Ander beampte het albei gekalmeer. Coetzer se vrou, Jane, en seun, Bertus (17), het intussen uit die huis gehardloop. “Die volgende oomblik het iemand weer aan my skouer gevat,” het Coetzer gesê. “Ek het die hand weggeklap en die volgende oomblik was daar ’n klomp beamptes bo-op my. Die een het my tussen my bene opgetel en onderstebo op die grond neergegooi. Hulle het my begin slaan, op my gespring en my tussen my bene geskop. Hulle het my een hand geboei en daarop gaan staan.” Nog beamptes het opgedaag. Magda van der Merwe, wat daar verby gery het, het vertel: “Ek het in ’n stadium agt beamptes getel wat die man om die beurt geskop en geslaan het. In ’n stadium het een van die beamptes op die man se kop gespring. Hulle het soos ’n trop wolwe te kere gegaan.” Coetzer is toe in ’n vangwa gegooi. Sy vrou het nader gehardloop om met hom te praat. “Ek en Bertus het Coetzer probeer help, maar hulle het ons net weggestamp. Een van die vroulike verkeersbeamptes het vir my gesê dat ek nie die nag sal oorleef nie en dat ek niks daaraan kan doen nie omdat die regulasies haar beskerm. Ons leef nou in vrees.” Coetzer is na die Middelburg-polisiekantoor geneem waar hy op borgtog van R500 vrygelaat is. Hy het gister in die hof verskyn op aanklagte van die belemmering van verkeersbeamptes in die uitvoering van hul pligte, aanranding, crimen injuria en verset teen arrestasie. Die verrigtinge is uitgestel. Coetzer het klagte van aanranding met die opset om ernstig te beseer en diefstal aanhangig gemaak.

’n Held tot die einde

Corrie Sanders is geskiet terwyl hy sy tienerdogter in ’n restaurant teen rowers wou beskerm. Die boksheld is vroeg gisteroggend in die Kalafong-hospitaal buite Pretoria dood. Sanders (46), voormalige swaargewig-bokskampioen van die wêreld, het eergisteraand in die restaurant buite Brits bo-oor sy 15-jarige dogter, Mari­nique, gaan lê. Hy het vir haar gefluister: “Maak of jy dood is, my kind.” Kort daarna het een van die drie rowers Sanders in die maag geskiet. “Corrie was ’n held vir die wêreld en hy is as ’n held dood, want hy het my kind se lewe gered,” het Sunette Sanders (47), sy voormalige vrou, gesê. Sy was by toe hy geskiet is. “In die ambulans het Corrie die hele tyd vir my gesê ek moet die kinders huis toe vat, want hy wil nie hê hulle moet hom só sien nie.” Sanders was eergisteraand saam met haar, hul dogter en hul 11-jarige seun, Dean, by die Thatch Haven Country Lodge-restaurant om die 21ste verjaardag van sy broer, Mike, se seun Michael te vier. Dean verjaar Vrydag. 48 lede van die Sanders-familie en die familie van Michael se vriendin was in ’n boma byeen, het Mike gister gesê. “Ons het omstreeks 19:00 klaar gebraai en was reg om te begin eet. “Corrie, Marinique en my middelste seun, Morné (19), het opgestaan om te gaan inskep. Hulle het verby die ingang van die boma gestap en die volgende oomblik het vier of vyf skote geklap. “Drie gewapende mans het ingestorm en geskreeu ons moet plat lê en ons selfone en beursies uithaal,” het Mike gesê. Morné het onder die kostafels ingespring en Corrie het platgeval en bo-oor Marinique gaan lê. “Die rowers het selfone, beursies en goed gegryp en heeltyd wild in die lug en die grond geskiet dat die klippe spat. “Hulle het seker 30 skote geskiet; dit was soos ’n oorlog. Ek kon nie glo wat gebeur nie.” ’n Motoralarm het afgegaan wat die rowers laat skrik het. Hulle het gevlug. “Dit het skielik net stil geraak. Eers toe Corrie bly lê, het ons besef hy is geskiet. Een van die koeëls het dwarsdeur sy regterarm gegaan en hom in die maag getref.” Paramedici het Sanders vir ’n noodoperasie na die Kala­fong-hospitaal geneem. Hy het gisteroggend omstreeks 04:00 aan sy wonde beswyk. Sanders was betrokke by die organisasie Shout SA, wat hom vir ’n veiliger Suid-Afrika beywer. Die sanger Danny K, medestigter van Shout SA, het gesê Sanders het onlangs weer aan ’n gholfdag deelgeneem waar geld vir ’n township-biblioteek ingesamel is. Mike het gistermiddag gesê sy broer was ’n “groot man met ’n baie klein hart”. “Min mense het dit besef. Hy sou nooit iemand buite die kryt leed aangedoen het nie. Hy was verskriklik lief vir sy kinders. Hy was my enigste broer en ek gaan hom geweldig mis.” Sunette het gesê Sanders was haar kinders se held. “Dis vir hulle baie swaar. Marinique het gesê haar pa gaan nou nie haar matriek­afskeidrok sien nie en Dean wil so graag môre vir sy pa deelneem aan die proewe van die Northern Titans se o.12-krieketspan, maar ek weet nie of hy sal kan nie.” Sanders het in 2003 die Wêreldboksorganisasie se wêreldkampioen geword toe hy Wladimir Klitscko van die Oekraïne met ’n tegniese uitklophou verslaan het. Hy was sowat ’n jaar lank kampioen.

Atleet geskiet

Die voormalige hekkieskampioen Karen Wilkinson (nou Harmse) is Vrydagaand in die skouer geskiet en erg aangerand tydens ’n plaasaanval naby Rustenburg. Harmse was in die 1990’s die Suid-Afrikaanse en Afrika-rekordhouer in die 100 m-hekkies en het aan die Olimpiese Spele in Atlanta deelgeneem. “Alles het so vinnig gebeur, jy dink nie,” het sy gister vertel nadat sy uit ’n Rustenburgse hospitaal ontslaan is. “Ek sien dit oor en oor in my gedagtes gebeur.” Harmse is die tweede Suid-Afrikaanse sportlegende wat die afgelope naweek ’n slagoffer van misdaad geword het. Die voormalige bokskampioen Corrie Sanders is dood nadat hy Saterdagaand tydens ’n gewapende rooftog naby Brits geskiet is. Nols de Wet, Harmse se lewensmaat, het gister vertel hulle het ’n aanval op hul plaas, Rietfontein, gevrees nadat die gesin se honde verlede Woensdag vergiftig is. Die honde kon gered word. Een, Lilo, het boonop ’n kopskoot tydens Vrydagaand se aanval oorleef. ’n Gewapende man het omstreeks 20:00 op Harmse (46) afgestorm toe sy uit haar motor by die plaashuis klim. Hy het op haar geskiet en onder meer vir haar selfoon gevra. “Ek het die selfoon in die bosse gegooi om hom uit die huis te hou. Hy het my met die geweer oor die kop geslaan. Toe hy my in die huis laat platlê, voel ek my skouer wil nie beweeg nie. Eers toe ek die koeëlgat voel en die bloed sien, het ek besef ek is geskiet.” De Wet was in die huis toe Harmse buite oorval is. “Ek het skote gehoor en hoe sy gil.” ’n Skoot wat deur een rower – daar was vermoedelik vyf – afgevuur is, het terselfdertyd deur die skuifdeur gebars en Lilo in die bek getref. Die rowers het De Wet, Harmse se pa, Kenny Wilkinson, en haar twee tienerkinders, Sheldon (15) en Amber (13), op die vloer laat lê. “Toe kom nog ’n rower met sy geweer teen Karen se kop in. Sy het erg gebloei,” het De Wet vertel. Terwyl die gesin aangehou is, het die ander rowers rekenaars, beursies en selfone gesteel. Hulle is weg met Harmse se Toyota Fortuner en De Wet se Toyota Hilux-bakkie. “Alles was binne 15 minute verby,” het De Wet gesê. Volgens hom teister vermoedelik dieselfde groep rowers boere in die omgewing die laaste paar weke al. Daar was onder meer inbrake en nog ’n gewapende rooftog. Dieselfde voetspore is telkens gevind. Harmse moes steke in haar gesig en kop kry. Die koeël is regdeur haar skouer. Been, ligamente en spiere is beseer. Die polisie ondersoek ’n saak van gewapende roof en huisbraak. Niemand is nog gearresteer nie.

Chris Barnard vasgebind en aangehou

Buks Viljoen Die skrywer en akteur Chris Barnard (73) is gisteraand deur inbrekers in sy huis buite Nelspruit oorval en vasgebind. Hy het net ligte beserings opgedoen en is op die toneel deur paramedici behandel. Hy het geweier om hospitaal toe te gaan. Sy vrou, Katinka Heyns, was nie tuis tydens die voorval nie. Die aanvallers het Barnard se Isuzu-bakkie gesteel. Hy is baie getraumatiseerd oor die voorval en wil nie persoonlik met die media daaroor praat nie, het Sandra Jacobs, bemakringsdirekteur van die Innibos Nasionale Kunstefees in Nelspruit, Donderdagoggend gesê.

ANC ‘s ethnic-cleansing of poor Afrikaners

Follow this Link: http://censorbugbear-reports.blogspot.com/

Why do black youths get military training in SAfrican squatter camps? PRAAG expose, documents, pics

Description Why do blacks youths get military training in SAfrican squatter camps? ================================= 14 Sept 2012 - In an exclusive expose, the Pro-Afrikaans Action Group (PRAAG) revealed that a secret youth-militia is being trained in squatter camps around Johannesburg. (also: our previous article on training of black youths in squatter camps and at Narysec: http://www.neo-genocide.com/farmitracker/reports/view/277) ================================ After their training these youths receive a monthly R2,200 paid out to them in cash by people who travel in state-vehicles with government license plates. (note by editor: the 'Narysec*' recruits receive a stipend of only R1,320 per month). Praag obtained first-hand information that the training could be related to the government's so-called National Rural Youth Service Corps, NASYREC* (details below this article). However other than Narysec, the secret youth militia is 'purely military', writes PRAAG, noting that a special focus in training the youth-militias in the use of automatic military carbines is seen. "Apparently the new youth-militia is under the control of specially-selected police officers,' he writes. "It is known that a considerable number of SAPS-members are former members of the ANC militia during its armed struggle, Umkhonto We Sizwe (Spear of the Nation). PRAAG has a secret security report in which it is described how a captain Mokwena of the Muldersdrift SAPS has been training black youths in squatter camps since Oct/November 2011 including at the Joe Slovo squatter camp near Lanseria airport. Mokwena is involved in the community-policing forums in the area. According to the report 'several meetings were held at the Joe Slovo Squatter camp in which youths were told that they are being recruited for the SAPS forum'. "Only youths with matric-certificates were being sought for training. They were also told that they would have to attend lectures and would receive a monthly salary for doing so.' In the Joe Slovo squatter camp a police-forum member, Ms Ntshabeleng, helped captain Mokwena recruit about ten members from the squatter camp, and similar recruitments also took place in other squatter camps in the same area.' PRAAG notes that the safety in the Muldersdrift area has become very tenuous for residents with the number of very violent crimes and murders rising. The Johannesburg English-language newspaper The Star reported on 11 September 2012 that 93% of all the households in one single street in Muldersdrift alone - a largely semi-rural area mainly occupied by Afrikaans-speaking working class-whites - was targetted frequently by violent crime-gangs. After the cold-blooded attack on the Botha family this week, during which the 13-year-old Allyssa Botha was murdered execution-style, the Bothas neighbours also were attacked by a black male gang using similiary aggressive methods. It's also noted that very little of value is taken during such attacks. A security expert questioned by PRAAG said: "If 93% of all the households in one area are attacked like that, can one still be speaking about 'crime'. Or is this a war. Is it sheer coincidence that this secret youth militia is being trained exactly in the same area and is operating here?" On 13 Feb 2011 at 10h00 Capt Mokwena addressed trainees for the youth-militia in the Joe Slovo squatter camp, telling them that 'those who were trained in 2010 would be sent for training to Bloemfontein'. He also announced that only one youth per squatter camp would be selected, and that they would be about sixty all told from one area. They would leave 15 February 2011 for their six-month training session. Besides poor black youths, convicted criminals also are recruited for the SANDF, writes PRAAG. 'A well-known criminal identified by his first name of Smanga, also was 'selected' for training in Bloemfontein, and his brother Mazambia is serving a sentence for armed robbery, while his second brother Tebogo is being sought by the Muldersdrift and Brits SAPS for armed robberies and break-ins. According to the security-document, Smanga left for training at Tempe SANDF-base in Bloemfontein on Feb 15 2012. Capt Mokwena visits the Joe Slovo squatter camp frequently since February 2011 and also told other youths recruited for the militia that they would get training 'somewhere in the Cape'. On March 2011 Capt Mokwena visited the Slovo camp at 19h00 and said the youths sent for training to Bloemfontein would be back within that week and that 'the Youth Desk' would start Monday 7 March 2011. An alternative term also used was the 'Task Desk'. While the ANC was in exile it showed a preference for using the word 'Desk', such as as in "Cultural Desk", "Foreign Desk", etc., The Joe Slovo squatter camp - similarly to other such settlements in the area - is widely viewed as an 'ANC-fortress' where no other other political party is tolerated. Residents will only discuss this if they can remain anonymous: political intimidation is rife and there even are rumours that known political opponents from other parties are killed. The criminal recruit Smanga was back on the Joe Slovo squatter camp on Friday 19 March 2011 at 19h30 according to the report. He told remaining recruits that; Mre than 40 black youths were trained at the SANDF base in Bloemfontein That they were trained in self-defence They were trained to use automatic carbines ( he showed photos where he was photographed with such weapons); That they get a certificate proving they were trained there; That the certificate can be used to join the SANDF and the SAPS;; That the next group of youths would leave for their training on 24 March 2011; That the next training session would take place in the Western Cape; That their official name is the 'Task Desk'; That they still receive a salary; That the training is 'very strict and that he cannot recommend anyone to undergo it' He wore a uniform consisting of a brown shirt and green trousers, and on his photos he also wore a hat. Reportedly the youths were 'shocked' to hear about the strict military nature of the training and that some showed an unwillingness to continue with the project after the meeting. Calls requesting to speak to Capt Mokwena at the Muldersdrift SAPS station obtained no response. http://praag.co.za/nuus-magazine-402/suider-afrika-magazine-400/12327-ekslusief-opleiding-van-geheime-jeugkrygsmag-in-plakkerskampe.html bit.ly/RR8zFr yfrog.com/kfv70xxj Also: Blacks with criminal records CAN legally get govt jobs in SA: but whites with clean police-records CANNOT http://m.news24.com/volksblad/Suid-Afrika/Nuus/Misdadigers-welkom-in-staatsdiens-20120912O --------------------------------------- *NARYSEC: official SA government statement: training of black recruits: "to create sustainable job opportunities in the countryside': http://www.info.gov.za/speech/DynamicAction?pageid=461&sid=17462&tid=31209 " The rollout of CRDP to more rural sites on track and NARYSEC making gains " 30 Mar 2011 - Momentum in war to create sustainable job opportunities in the countryside The Minister for Rural Development and Land Reform, Mr Gugile Nkwinti, together with MECs responsible for rural development in the provinces, considered and took several major decisions at yesterday’s MINMEC meeting, on issues ranging from bringing social and economic development to 160 rural wards throughout the country, jobs creation for rural youths to the speeding up of effective land reform as a lever for social and economic development in the country. The MINMEC meeting, constituted by the Minister Nkwinti and MECS responsible for rural development, took place yesterday in Ekurhuleni, West Rand.The meeting agreed on modalities for the effective implementation and management of the Comprehensive Rural Development Programme (CRDP) in rural wards, strategies to create sustainable, quality jobs linked to skills development for youths in rural areas and strategies to deal with challenges facing land reform. To rollout the CRDP sites to 160 rural wards by 2014, the meeting agreed on a CRDP management model, which amongst others, spelt out the different roles for the Rural Development and Land Reform Ministry, the Premiers’ Offices, the MECs, the District and Municipality Mayors as well as the role of the community members and the civil society in the rural areas. Whilst the Ministry will be responsible for CRDP programme development, policy and legislation development, coordination and setting norms and standards, the provinces will be responsible for monitoring and evaluating the implementation of the CRDP with the Premiers being the CRDP champion at provincial level.The Districts on the other hand, will be responsible for the actual implementation of the CRDP at ground level. The meeting furthermore agreed that MINMEC meetings should be held quarterly and one of the key functions of MINMEC should be to evaluate progress on the implementation of the CRDP and assess whether it is meeting its objective of creating sustainable, equitable and vibrant rural communities. Provincial Coordinating Forums, be constituted by District Mayors, Heads of Departments (HoDs) and be chaired by the MECs, should be established and meet once every two months for evaluating district reports, which are to be consolidated into provincial reports. At the district level, District Implementation Forums, constituted by Municipal Managers, Ward representatives and representatives from Council of Stakeholders and chaired by District Mayors will also meet once in two months, to look specifically at the implementation and coordination of the CRDP at local level. The MINMEC was also updated on the National Rural Youth Service Corps (NARYSEC), a flagship project designed to play a key role towards the creation of 500 000 job opportunities in the rural areas. To date, the less than two years old NARYSEC programme has already enrolled 7,956 rural youths into a two-year character building (which includes discipline, patriotism, life skills, rights awareness) and skills development programme.From April, the programme will be expanded to increase its intake from the current four youths per wardto six youths per ward. “One of the outcomes we want to achieve with NARYSEC is character development – the partnership with the military is a strategic one, as the military is one of the few institutions we have were discipline is instilled and enforced. Five hundred (500) of the NAARYSEC recruits were sent to De Brug military base in Bloemfontein, and for seven weeks these youths were exposed to character building, discipline and civic duty.Only two recruits dropped out of the programme – one indicating he has to go home to look after his sick grandmother whilst the other indicated he had subsequently been offered a job opportunity” the Minister informed the MINMEC meeting. “For seven weeks, these young people were GOING TO CHURCH & WERE NOT INDULGING IN ALCOHOL OR DRUGS. We may take these things for granted, but its importance and impact for me eloquently illustrated by one of the NARYSEC youths who requested not to be deplored to his community but somewhere else, as he had been involved in gangsterism in his hometown and does not want to go back to that life again” Minister Nkwinti reflected. Besides the soft skills, NARYSEC recruits, who supposed to be from rural wards and minimum requirements is Grade 10, also receive hard skills training – for careers as bricklayers, electricians, plumbers, carpenters, roofers, welders, etc. Throughout the two years' intensive training, recruits get a stipend of R1,320 per month. Community service is central to NARYSEC and the “graduates” are expected to play a very critical role in the rollout of the CRDP in rural wards and this will encompass undertaking household profiling, construction of houses and other infrastructure in rural areas as well as mitigating disasters in the rural areas. The 500 NARYSEC recruits who recently underwent the seven weeks training at De Brug are expected to undergo a household profiling training until 30 June 2011 whilst training in trades will take place from 1 July 2011 until 15 December 2011 and the allocation of NARYSEC participants to specific projects is scheduled for 15 December 2011. In terms of the mitigation of rural disasters, 200 NARYSEC participants are to be trained as environmental monitors.These recruits, with geography and maths, will be undergo training in environmental assessment training, understanding weather patterns and climate change, GPS training, introduction to environmental management (including environmental data collection), disaster management (including flood management), first aid and fire wise training. With regards to land reform, MINMEC deliberated on the Community Property Associations (CPAs) and its execution of its mandate in holding land on behalf of the community as well as the IMPACT OF LAND ACCUMULATION BY DISPOSSESION and what its impact is on the conditions for successful development. How land reform can be a RADICAL AND RAPID MOVE from the past without impacting on agricultural production? Inquiries: Mr Eddie Mohoebi, Head of Communications Cell: 082 550 1445 Issued by: Department of Rural Development and Land Reform 30 Mar 2011 http://www.info.gov.za/speech/DynamicAction?pageid=461&sid=17462&tid=31209

Keelwond eis man toe hy van rowers vlug

’n Sakeman van Middelburg het hom gister doodgebloei toe hy met ’n gapende wond aan sy keel uit sy huis wou vlug. Toe die polisie Johannes Jacobus (Jan) du Toit (68) se lyk by die kombuisdeur van sy huis in Louis Botha-rylaan kry, was ’n bebloede handdoek steeds om sy nek. Beeld verneem hy het dié handdoek self om sy nek gedraai om die bloeding te probeer stop nadat hy in ’n verbete geveg met twee rowers was wat omstreeks 04:00 ingebreek het. Du Toit het glo ’n lawaai in die huis gehoor en hom in die sitkamer in twee inbrekers vasgeloop. Hy het met hulle gestoei en glo ’n aanvaller op die grond vasgepen en twee skote met sy rewolwer geskiet. Die aanvaller se makker het Du Toit toe glo van agter getakel en met ’n mes in die nek gesteek. Du Toit se vrou, Marietjie (65), het ’n snywond aan die oor opgedoen en is deur ’n aanvaller met die kop in die gesig gestamp. Die snywond is in die Medmid-hospitaal geheg en sy is al ontslaan. Die moordenaars het met mnr. Du Toit se selfoon en sy .38-rewolwer gevlug. Inwoners van Louis Botha- rylaan het ondersoek ingestel toe hulle die skote hoor. Hulle het ’n aanvaller oor die tuinmuur gesien spring en hom vergeefs agternagesit. Die gesteelde selfoon was ná die moord nog aktief en ’n man het die foon verskeie keer beantwoord. Twee pette wat blykbaar aan die verdagtes behoort, is ook op die toneel gevind. ’n Man is gistermiddag deur die polisie vir ondervraging ingeneem, maar is teen druktyd nog nie aangekla nie. ’n Betroubare bron het aan Beeld gesê die moontlikheid word ondersoek dat dié ’n wraakaanval was. Du Toit, wat betrokke was by ’n vervoermaatskappy in Middelburg, het glo vroeër dreigemente gekry. Sers. Gerald Sedibe, polisiewoordvoerder, wou hom nie uitlaat oor dié bewerings nie. Enigiemand met inligting wat die polisie kan help, word gevra om kol. Philla Mahlangu by 0?076?942?5455 te bel.

Woman found dead inside her home

Johannesburg - The partially decomposed body of a 65-year-old woman was discovered at her home on Monday morning at Scottsville in Pietermaritzburg, KwaZulu-Natal police said. Colonel Jay Naicker said a domestic worker alerted police after she became suspicious. “When police entered the premises, they discovered that the house was ransacked,” said Naicker. A trail of blood from the kitchen led police to the back of the house where the gruesome discovery was made. “The deceased was discovered with open wounds to her head and we believe they were inflicted with a sharp instrument.” The domestic worker told police that she last saw the woman on September 9, 2012. The motive for the attack was unknown. Naicker said police believed those responsible may have forced their way into the victim's house and a struggle ensued, resulting in the woman being murdered. It was further believed that her furniture and appliances were stolen. Her vehicle, believed to be a Mercedes-Benz, was also missing from the premises. - Sapa

Egpaar, baba se lyke gevind

WARDEN. – ’n Chinese winkel­eienaar, sy vrou en hul babadogtertjie se lyke is gisteroggend in hul winkel op dié dorp gekry nadat hulle vermoedelik met kapmesse vermoor is. Die egpaar se driejarige seun het die treurspel oorleef. Hy is op ’n bed langs sy vermoorde sussie gekry waar hy histeries gehuil het. Long Liang Chen (31), beter bekend as Konka, sy vrou, Li-ping (24), en hul baba, Xiao-nan (16 maande) se lyke is gisteroggend deur familielede in hul winkel, Konka Store, gevind. Die Chens het in hul winkel in die hoofstraat gebly. Die gesin was baie bekend op die dorp. Die motief vir die grusame moorde was gister nog duister. Die polisie kon nog nie vasstel of iets uit die winkel of huis vermis word nie. Op die dorp is gister bespiegel dat die Chen-egpaar dalk in ’n huurmoordaanval vermoor is. Chen se suster, Helen, sê hulle het omstreeks 08:30 onraad vermoed toe hulle nie die Chen-egpaar op hul fone in die hande kon kry nie. Hulle het na die winkel geloop en gesien die deur staan oop, hoewel die hek gesluit was. “Ons het geroep en hulle probeer bel, maar daar was geen antwoord nie,” het sy gesê. Hulle het om die winkel gestap en gesien Chen se bakkie staan daar. Haar pa en broer het ’n venster gebreek, waarna hulle Chen op die vloer sien lê het. “Ek het na hom geroep, maar hy het my nie geantwoord nie. Ek het weggehardloop, want ek was bang. Toe ek later terugkom, het ek op sy vrou afgekom. Ek het haar geskud, maar sy het geen reaksie getoon nie,” het Helen gister gesê. Klein Xiao-nan se lykie is op die bed gekry. Sy het kapwonde aan haar kop gehad. Helen sê die egpaar se driejarige seun het histeries op die bed naby sy sussie gesit en huil. Sy kop was onder die komberse weggesteek. Daar word vermoed dat hy tydens die aanval geslaap het. ’n Inwoner op die dorp sê die Chens en hul familie, wat verskeie algemene handelaarwinkels op die dorp bedryf, was alombekend. “Ons het altyd ons goed daar gaan koop,” het hy gesê. Sers. Tshegofatso Modise, polisiewoordvoerder, sê nog niemand is in verband met die moorde in hegtenis geneem nie. Enigiemand met inligting word gevra om kapt. N.D Moshoabuda by 082-854-7540 te bel. - Volksblad

Skote keer held nie

Die man van Muldersdrift aan die Wes-Rand wat Donderdag sewe keer deur ’n toe deur geskiet is, het ’n heldedood gesterf. Nadat hy raak geskiet is, het hy aanhou opstaan om sy gesin teen ’n rowerbende te beskerm. So sê die gesin van André Jordaan (50), wat in dieselfde straat aangeval is as waar Alyssa Botha (13) die vo­rige week deur vermoedelik dieselfde moordbende vir haar selfoon doodgeskiet is. Jordaan is eergister in die Chris Hani Baragwanath-hospitaal dood. Shaun Jordaan (26) sê sy pa is geskiet terwyl hy sy vrou, Isabel (48), sy ander seun, Kevin (23), dié se swanger vriendin, Mariska (24), en sy (Shaun se) vrou, Jeanine (23), teen minstens vier rowers beskerm het. “My pa was ’n held wat ons almal opgepas het,” het Shaun gesê. “Hy het daai aand die punch vir almal gevat ...” Shaun het Donderdag na die bure gehardloop om hulp te kry, terwyl sy broer en hul pa ’n deur van binne toegedruk het sodat die aanvallers nie by die familie kon uitkom nie. Die rowers het toe minstens sewe skote deur die deur geskiet. Jordaan is drie keer in die maag, twee keer in die bors, in sy linkerarm en regterskouer getref, maar het die deur bly versper. “Ek het gesien hoe my skoonpa ná die eerste skoot neerval, maar toe dadelik opstaan en aanhou keer dat hulle by die kamer inbars,” het Jeanine gesê. “Hy het elke keer wat hulle hom geskiet het, net weer opgestaan – hy het nooit gaan lê nie ...” Shaun het in die tuin geskuil terwyl ’n rower na hom gesoek het, terwyl die ander die stoepdeur “van sy skarniere af geskop” en Jordaan sr. en Kevin agternagesit het. Hulle het volgens Jeanine dadelik deur die toe deur begin skiet toe hulle binnekom. Jordaan sou volgens die gesin Vrydagoggend ’n noodoperasie ondergaan om die koeëls te verwyder, maar dit het nooit gebeur nie. Hy is eergister omstreeks 22:05 dood. “Ons wil net weet wat fout gegaan het en is desperaat om antwoorde by die hospitaal te kry,” het Shaun gesê. “My pa was Donderdag ná die skietery tot eergistermiddag nog baie sterk,” het Shaun gesê. Johanna More, hoofbeampte van Chris Hani Baragwanath, het gister gesê sy was al in kontak met die gesin en sal vandag met hulle vergader. Die vermeende rowers verskyn vandag in die Krugersdorpse landdroshof en word volgens drie onafhanklike bronne met sowat nog 14 misdade verbind. Beeld verneem vertroulik dat die polisie onder meer vermoed dat hulle ook onlangs twee polisiemanne tydens ’n huisrooftog aan die Oos-Rand doodgeskiet het. ’n Polisiewoordvoerder, lt.kol. Katlego Mogale, wou net sê die ondersoek gaan voort.

Farm attack: Woman dies for iPad, laptop

Johannesburg - A 65-year-old woman was found murdered on her farm in Great Brak, near Mossel Bay, Western Cape police said on Sunday. Police found the body of Ria Mills on Saturday night while responding to a call from friends she was supposed to meet for dinner, said Captain Malcolm Pojie. Police arrived at her farm, Potsteel-Hoogte in Hamelkop, shortly before 20:00. "The body of the deceased was found in the lounge with a gunshot wound to the neck. Police also confiscated a .38-Special revolver that was found on the scene." The gun would be send for ballistic tests to determine its involvement in the murder. Pojie said Mills's iPad, laptop and her handbag were stolen. He said preliminary investigations showed that the killers fled in Mills's Chevrolet utility bakkie, which was recovered on a footpath near the Wolwedans Dam on Sunday morning. A post mortem would be conducted during the week to determine the cause of death.

Hoewe-moord: Bekentenis bly

Jeanne-Marié Versluis ’n Beskuldigde in die moord op ’n 64-jarige man van Cullinan het in ’n bekentenis voor ’n landdros erken hy het aan sy slagoffer se vrou gevra wat haar laaste woorde is. Mphanyana Given ­Kanyane se bekentenis is in die hooggeregshof in Pretoria toegelaat as getuienis teen hom. Hy, Mduduzi Sbusiso ­Hlengethwa en Wonder Mbongezini Makwakwa het Piet van den Berg glo op 11 Julie 2009 op sy Boekenhoutkloof-hoewe doodgeskiet en die egpaar se huis aan die brand gesteek. Madelein van den Berg het vroeër getuig haar lewe is hierdeur “totaal en al geruïneer. My huwelik van 40 jaar met ’n baie goeie, liewe man is vernietig.” Luidens Kanyane se betekenis het hy en “Wonder” besluit om ’n wit man te beroof. “Mduduzi” het aan hulle gesê hy beroof mense “vir ’n ­lewe” en het ’n vismes. Hulle is na die “wit man” se huis. Toe die wit man uit die huis kom om bierbottels weg te gooi, het hulle hom aangeval. Volgens Kanyane moes Mduduzi die vuurwapen vashou. Dit het geklink of die wit man besig was om los te kom. Die volgende oomblik was daar ’n skoot. Hy het die wapen by Mduduzi, wat gesê het die wit man het homself losgemaak, gegryp. Kanyane het in die bekentenis gesê hy het die wit man se vrou gaan haal. Sy het gevra waarom haar man geskiet is. Hy het gesê dit is omdat haar man homself losgemaak het. Kanyane het egter nie in sy bekentenis gesê of Van den Berg vasgemaak was nie. Volgens Kanyane het hy die vrou die kluis se sleutel gevra. Hy het die kluis oopgemaak en die inhoud in ’n sak gegooi. Mduduzi het die vrou in ’n kas toegemaak. Hy (Kanyane) het toe die wit man se klere begin aantrek. Volgens Kanyane het hy na die kas gegaan en die vrou gevra wat haar laaste woorde is. Sy het geantwoord sy wil hemel toe gaan. Later het hulle brandewyn gedrink wat hulle in die huis gekry het en buitelandse geld (hy weet nie watse geld dit was nie) by ’n bank probeer wissel. Hy het lank vir die polisie weggekruip. Ná hul arrestasie het Mduduzi gesê hulle is opgespoor deur die wit man se selfoon wat in Mduduzi se besit gekry is. Mev. Van den Berg het ­vroeër getuig sy het “begin stamp” om uit die kas te kom. Toe sy uit is, het sy vlamme op die bed geblus, asook ’n groot hoop brandende papiere langs haar man se lyk. Sy het haar man vergeefs uit die huis probeer sleep en toe met die bakkie na die buurman gejaag. Dié en sy werkers het haar man toe kom uithaal. Die verhoor duur voort.

Oues ‘soos skape geslag’

Pieter Steyn Trompsburg. – Tonele van verslaenheid en hartseer het gister op die plaas Knoppe afgespeel nadat ’n boer en sy vrou wat “twee keer sou dink om ’n vlieg dood te maak . . . soos skape geslag is”. Johan (71) en Cecile Fourie (72) is eergister in hul plaashuis oorval en vermoedelik met ’n byl doodgekap. Bloed het matte, teëls, mure en deure dwarsdeur die huis bevlek. In die sit- en slaapkamer van die huis het bottels drank gestaan wat die moordenaars gedrink het terwyl die Fourie- egpaar die oggenddiens in die NG kerk op die dorp bygewoon het. Die moordenaars het vermoedelik deur ’n badkamervenster by die huis ingekom en die bejaarde egpaar ingewag terwyl hulle in die kerk was en by hul kinders op die dorp gekuier het. Die Fouries het omstreeks 15:00 teruggekeer na hul plaas sowat 10 km buite die dorp. Die egpaar se lyke is omstreeks 20:00 in hul slaapkamer gekry. “Dit is my pa, hy is doodgemaak . . . wat kan ek sê?” het ’n getraumatiseerde Louis-Chris Fourie gesê toe hy met ’n dra­sak vol van sy ouers se besittings uit die moordhuis gestap het. Phillip Henning, ’n boer in die distrik wat ’n plaasaanval oorleef het, het gesê: “Johan was ’n ou wat twee keer sou dink voordat hy ’n vlieg sou doodmaak. Hulle was wonderlike mense.” Volgens Fanie Lubbe, ’n buurman, wou die egpaar almal altyd help. So ’n moord laat ’n mens weer eens besef hoe weerloos boere is, het Lubbe gesê. “ ’n Mens raak ouer. Jy het nie meer die krag van ’n jonger man nie. Wat doen jy as hulle (aanvallers) jou inwag?” Nico Kruger, ’n ander seun van die Fouries, het gesê die wreedheid van die moord is erg. “Dis buitensporig. Dit slaan ’n ou dronk. Wat sou die motief wees?” Net ’n .22-rewolwer word vermis. Die moordenaars het die vuurwapenkluis met ’n hoeksnyer oopgesny. Fourie se ander vuurwapens en ’n mes is op die toneel gekry. Bure het onraad vermoed toe die Fouries nie hul telefoon beantwoord het of op die roep oor die Marnet-radio gereageer het nie. Die polisie volg verskeie leidrade op, maar niemand is nog in hegtenis geneem nie. Die Fouries word oorleef deur hul twee seuns, ’n dogter, Christa van Heerden, twee skoondogters, ’n skoonseun en ses kleinkinders.

Dubbele plaasmoord skok Trompsburg-gemeenskap

Pieter Steyn TROMPSBURG. – Skok en ongeloof heers in die boeregemeenskap hier ná ’n dubbele moord gister op ’n boer en sy vrou. Johan Fourie (71) en sy vrou, Cecile (72), ’n bekende en geliefde boere-egpaar, het gister omstreeks 15:00 ná middagete by hul seun en skoondogter op die dorp na hul plaas Knoppe teruggekeer. Volksblad het betroubaar verneem die Fouries is gister kort voor 20:00 dood in hul slaapkamer in hul plaashuis gekry. Hulle het albei skietwonde gehad. Volgens ’n ingeligte, wat nie sy naam genoem wil hê nie, was die vuurwapenkluis oopgebreek. Hy sê daar was baie bloed van die sitkamer tot in hul slaapkamer. Kapt. Harry Nagel, polisiewoordvoerder, sê die aanvallers het vermoedelik deur ’n badkamervenster toegang tot die plaashuis verkry. Volgens die ingeligte wil dit voorkom asof die aanvallers die egpaar ingewag het. Na verneem word, het die boere in die omgewing onraad vermoed toe die Fouries nie hul telefoon beantwoord het of op die roep op die Marnet-radio gereageer het nie. “Die boere in dieselfde omgewing roep mekaar op ’n spesifieke tyd elke aand. “Hulle doen dit om seker te maak almal is veilig.” Van die boere het ondersoek ingestel nadat geen reaksie van die Fouries gekry is nie en het op die lyke van die egpaar afgekom. Inwoners van die dorp was gisteraand baie geskok. “Hulle was baie vriendelike mense wat nie ’n vlieg sou skade berokken nie. Die hele dorp is geskok.” Nagel sê twee klagte van moord word ondersoek.

Man aangeval op N1 terwyl hy band omruil

PAARL. – ’n Jong Paarliet sê hy is dankbaar om nog te leef nadat drie mans hom Vrydagaand aangeval en twee keer raakgesteek het. Adriaan Smit (23), ’n siviele ingenieurstudent aan die Kaapse Skiereiland Universiteit van Tegnologie se Bellville-kampus en ’n Westelike Provinsie-bergfietsryer, het vertel hoe hy die betrokke aand omstreeks 22:00 deur die verdagtes langs die N1 naby Bloekombos aangeval is. Hy was op pad huis toe nadat hy by vriende in Bellville gekuier het toe hy ’n pap band gehad het. Hy het langs die pad – naby die Engen-vulstasie op die N1 – stilgehou om dit om te ruil. “Die band het net onder die brug voor die vulstasie gebars. Ek het tot by ’n veilige plek gery en afgetrek. “Ek het die spaarwiel uitgehaal, maar toe is daar skielik ’n mes teen my keel. “Hulle het gevra dat ek in die motor klim, maar ek het geweet as ek dit doen gaan ek dood,” het Smit gister by sy ­ouerhuis vertel. Smit is van agter in die nek gesteek. Hy het een van die mans se wapens – ’n panga – afgeneem. Benewens die nekwond is Smit ook in sy hand gesteek en is hy ook amper in die heup gewond. “Ek kon sien hoe die bloed op die teerpad drup en het in die middel van die pad gaan staan en gekyk hoe hulle my motor leeg steel.” Smit se klere, selfone, boeke, beursie en bergfiets van sowat R30000 is uit die voertuig gesteel. Daar was redelik baie motors op die snelweg, het hy gesê. Drie onbekende mans het stilgehou en een van die verdagtes agternagesit. Een van hulle het vir Smit gesê hy het die verdagte tydens ’n stoeiery raakgesteek. Die drie samaritane kon daarin slaag om sy peperduur fiets terug te kry. Die aanvallers het egter gevlug. Die polisie en ’n ambulans het kort daarna opgedaag. Smit is na die Mediclinic Paarl gebring en het vier steke in sy nek en een in sy arm ontvang. Hy is nie in die hospitaal opgeneem nie. Hy het die voorval Saterdagoggend by die polisie in Kraaifontein aangemeld. Ao. November Filander, ’n provinsiale polisiewoordvoerder, het gesê ’n saak van gewapende roof word ondersoek. - Die Burger

Suid-Afrikaanse egpaar wreed aangeval in Zimbabwe

Ogen Vos JOHANNESBURG. – ’n Suid-Af-rikaanse vragmotorbestuurder en sy vrou is in die Milpark-hospitaal in Johannesburg nadat hulle wreed aangeval is in Zimbabwe. Gerhard van der Westhuizen (58) van Nigel en sy vrou, Minnie (55), het volgens hul seun GC (25) Woensdag sowat 300km buite Bulawayo stilgehou. Toe het vier mans volgens GC “uit nêrens” gekom en die twee met jagmesse en teerpale aangeval. Albei is ernstig beseer, maar hulle kon die aanvallers afweer. “My pa is steeds in ’n geïnduseerde koma,” het GC gesê. “Ons vermoed die mans wou hulle beroof of die vragmotor kaap.” Gerhard was teen gister nog in ’n koma. Hy het onder meer ’n skedelfraktuur en bloeding op die brein. Sy regterarm is gebreek en hy het merke op sy rug waar hy oor die pad gesleep is. Minnie se toestand is bestendig. Sy is met ’n mes tot in haar regterlong gesteek. Van der Westhuizen se werkgewer, Jackson Transport, het gereël dat die egpaar per lugambulans na Milpark gebring word. - Die Burger

Kommer, toe ouers se lyke

’n Pretoriase man het op die lyke van sy vermoorde ouers in hul huis in Morning­side, Sandton, afgekom nadat ’n bekommerde vriendin hom gevra het om te gaan kyk wat aangaan. Ryno Greeff het gister aan Beeld gesê ’n goeie vriendin van sy ouers, Bets en Gawie (albei 79), het hom Vrydag gebel nadat hulle nie vir middagete by die Johannesburgse buiteklub opgedaag het nie. “Sy het gesê daar moet fout wees, want hulle is nooit so laat vir afsprake nie.” Hy het van sy huis in Pretoria na sy ouers se huis gery. Volgens Greeff was die huis toegesluit toe hy daar aankom. Hy het ’n sleutel en het ingegaan. “Ek het by die slaapkamer ingeloop en my ma se lyk op die vloer gekry. Haar hande en voete was vasgebind en haar mond was met ’n plastieksak toegebind.” Hy het toe na sy pa gaan soek en hom in sy werkwinkel by die huis gekry. “Sy hande, voete en mond was nes my ma s’n gebind. Ek dink hy het die aanvallers daarheen geneem om hulle van my ma weg te kry.” Greeff het die polisie ontbied en hulle het binne minute daar aangekom. Kapt. Kym Cloete, polisiewoordvoerder, het gesê die oorsaak van hul dood en die motief is nog nie bekend nie. Klagte van moord en huisbraak word ondersoek. Die aanvallers word nog gesoek. Greeff het gesê ’n Ford-bakkie en elektroniese toerusting is gesteel en die huis is toegesluit voordat die moordenaars gevlug het. “Ek was in skok toe ek hulle gekry het. Hulle het almal regverdig en met respek behandel en sou nooit ’n vlieg skade aandoen nie. Ek is nou ’n weeskind.” Die Greeffs word ook oorleef deur Ryno se dogters, Emma (13) en Klara (10), asook sy susterskinders, Alex (25) en Robert (27). Hul ma, Elize, is in 2001 aan kanker dood. ’n Roudiens vir die egpaar word Woensdag 14:00 in die NG kerk Randburg in Ferndale gehou.

Man met sy eie graaf vermoor

Fanie van Rooyen Die 66-jarige man wat eergisteroggend op sy hoewe by Brits deur vier rowers oorval is, het “soos ’n besetene baklei” om sy vrou te beskerm voordat hy met een van sy eie grawe doodgeslaan is. Só het Ina Hattingh (45) gister gesê oor die moord op haar broer, Mauritz Oberholzer (66), wat saam met sy vrou in hul slaapkamer by Zoutpansdrift, naby Brits, oorval is. “Mense sê altyd as iemand dood is dat die persoon ’n wonderlike mens was, maar in Mauritz se geval is dit regtig die waarheid,” het Hattingh gesê. “Hy was vir my meer soos ’n pa as ’n broer.” Oberholzer en sy vrou, Rita (62), het wakker geword toe hulle stemme gehoor het. “Daar was toe reeds twee rowers buite die slaapkamerdeur. Hulle het die voordeur se diefwering afgebreek en ’n glasdeur stukkend geslaan.” Rita het vir haar man gesê om die paniekknoppie te druk, maar dit het nie onmiddellik afgegaan nie. “Die volgende oomblik het nóg ’n rower, wat buite die slaapkamervenster in die tuin was, deur die venster op Rita geskiet. “Sy het na die badkamer gehardloop en die deur toegetrek. Mauritz het vir haar geskree hy is in die voet getref en sy moet om hulp bel.” Die badkamerdeur was op ’n skrefie oop en Rita het gesien hoe die rower wat buite was deur die venster by die slaapkamer in- val. ’n Vierde rower het daarna ook ingekom. “Hulle het soos ’n spul honde op Mauritz toegesak en hy het soos ’n besetene teen hulle baklei om Rita te beskerm, al was hy nie gewapen nie,” het Hattingh gesê. “Die vier rowers het Mauritz al stryende na die sitkamer gesleep. Dis daar waar hulle hom toe met een van sy eie grawe doodgeslaan het.” Die rowers het ’n kluis met twee gewere uit ’n muur gebreek en met die kluis en ’n selfoon weggekom. “Hulle het nie vrae gevra nie, hulle het net geskiet.” Oberholzer laat sy vrou en vier volwasse stiefkinders, Suzette, Dawie, Wallie en Hennie, agter. Die polisie het enigeen met meer inligting oor die voorval of oor waar die aanvallers is, gevra om die Brits-polisiekantoor by 012 381 6035 te bel.

‘Toe skiet hulle haar’

Louise Ferreira ’n Gr. 8-leerling aan die Hoërskool Monument in Krugersdorp is dood en haar pa en suster gewond toe die gesin op hul hoewe in Muldersdrift aangeval is. Alyssa Botha (13) is in die maag geskiet en haar suster, Megan (17), ’n gr. 11-leerling aan dieselfde skool, is in die bene gewond. Hul pa, Anton, is in die maag geskiet. Sy een nier en ’n deel van sy lewer en dikderm moes verwyder word. Hy is in ’n bestendige toestand in die waaksaal van die Krugersdorp-hospitaal, waar sy vrou, Liesl, hom bygestaan het. Megan het in ’n handgeskrewe verklaring vertel wat gebeur het nadat sy, haar pa en suster Woensdagaand omstreeks 19:00 by die huis gekom het. “Ons was besig om ons skooltasse uit die kar te haal toe vier of vyf mense ons oorval het.” Die rowers het op mekaar geskree in ’n taal wat sy nie verstaan nie. Die rowers het hulle nie vir enigiets gevra of opdragte gegee nie. “Ek het my hande in die lug gesteek en vir hulle gesê my foon is in my sak en Alyssa het dieselfde gedoen. Hulle het ’n skoot afgevuur en my suster het geval en geskree. Ek het haar gegryp om haar te beskerm en hulle het haar geskiet. “Hulle het my omtrent 5 m van die kar gesleep en my geskiet. Hulle het my sak van my skouers afgeruk en my weer geskiet terwyl ek op die grond gelê het.” Al die aanvallers het weggehardloop behalwe een wat na Anton, wat nog in die motor was, gegaan het, het Megan geskryf. “Hy het sy een foon gevat en probeer om die tweede foon ook te vat, maar my pa het dit teruggegryp. (Die rower) het my pa toe in die maag geskiet. Iemand het gefluit en die man het gevlug. “Ek het na my suster gekruip en haar vasgehou.” Die rowers het net die selfone gevat. Liesl het vir hulp gebel en nooddienspersoneellede het Megan en Anton na die hospitaal geneem, maar Alyssa se toestand was aanvanklik te kritiek om haar te beweeg. Volgens kapt. Pinky Tsinyane, polisiewoordvoerder, is sy later by die hospitaal dood. Rinus de Jager, woordvoerder van die Hoërskool Monument, het gesê die skool het reeds gisteroggend sewe beraders gekry om die gr. 8-leerlinge en ander leerlinge wat hulp nodig het by te staan. Megan het geskryf haar suster wou graag vir die nasionale hokkiespan speel. Tsinyane het gesê die verdagtes is steeds soek. Sy het gevra dat enigiemand met inligting die polisie by 08600 10111 bel.